للمنشد ابو عبيد
الكلمات
الوقت يمضي واكثر الخلق ساليـن
وحنّا نتحـرّى هالوفـا بالصداقـه
والله ورب البيت ديـنٍ بعد ديـن
إن الليالـي صار مــرٍ مـذاقـه
سود الليالـي ماتبـي زود تلويـن
ربي عطاهـا الليـل كلّـه وساقـه
يالليل .. يالليل الشقـى والمجانيـن
الهم عانقنـي ... وطـوّل عناقـه
دام الصداقه صار فيهـا طواعيـن
كـلٍّ ذكـر ماعـاد فيهـا علاقـه
الجرح دامي…ياطعـون السكاكيـن
كل الالم بالنفـس والنفـس ضاقـه
حنّا مع الوقت الردي دوم ماشيـن
نتعـب وتتعبنـا العلـوم الدقـاقـه
الخوف لاصار الوفا يشكـي البيـن
والخوف من شخصٍ تناسى الرفاقه
ماللعـذر بالـذات قـولٍ وتخميـن
شـيٍ تعـدّى هـالادب واللبـاقـه
القلب شرهاته علـى نـاس غاليـن
نموت ونحيـا والصداقـه صداقـه
نشره على اللي دايم الـدوم وافيـن
والعكـس والله ماعليهـم شفـاقـه
الوقت يمضي واكثر الخلق ساليـن
والخوف من شخصٍ تناسى الرفاقة
♣ مشآرٍڪْآتِڪْ » 
الدَولَہ: