بسأل كم سؤال

موضوع: بسأل كم سؤال السبت أكتوبر 09, 2010 1:21 pm

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوبي بس , يا بنت الحلال
وكل كلمه حِطَّيهَا .. فبيتٍ صغير
قال نبدي : شنهو تعريف المُحال..؟
قلت :
خَل الكلمهـ
فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : r=black]] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!

والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير

يكفي يكفي .. أسئله إنهي الجدال
ويالله علمني عَن.. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير
في [بلاد الحلم].. ممنوع العقال
والمصيبه الشعب ما أختار الأمير

وما ألومك.. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شي ودِّك فيه ولا يمكن يصير ..!

مشكور اخي بارك الله فيك

وجزاك الخير

اخي تقبل مروري المتواضع

وانتظر كل جديدك القادم

تحياتي لك اخي

» سؤال وجواب
» 13 سؤال محرج لمن يتمتع بالجرأة فقط ؟
» كود الاسلام سؤال وجواب :: افضل الاكواد الاسلامية ::