هذه القصيده القيتها تحت عنوان <<قال المثل لاغضب ربي عل

[size=12]ابو عـسـر قال كـلـن غاص في بحـره === وانا على قاربي باشـغله واســـــــــــير
وافعل سواء اهل الصفات الحاليه دوره === واساير المحترم بالشكر والتــقــــــــدير
سبحت في بحر فيه الاصل والصــــوره === من كل الاجناس قد عبرتهم تـعبـــــــــير
به ناس شامخ مثيل الحيد في كـــبره === والبعض الاخر مصور في الصحب تصوير
من جرب الوقت يلقى اعشار معشـوره === يشوف كم ياعجايب مالها تـــقــــــــــرير
الوقت يشتي تجارب تـعـتـبـر خـبــــره === هذا على ما اعتقد ياصاحب التـفـكــــــير
فكر وساير زمانك واكـتسـب فــكــره === في واقع الدهر للتقديم والـتـاخـــــــــــــير
وادرس تعلم وخذ من كل شيء نــظـره === لاشفته الزين لاتغتر به تـغـــــــــــــــــــرير
إن كان صـاحـب فـجـرب صاحبك مره === لا كان وافي فدبر صاحبك تــدبــــــــــــير
وامشه معه بالوفاء والطيب والـعـسـره === والصدق والمعرفه والعز والـتـنـصــــــــــير
وان كان مغرور بايـعـديك مـن شــــره === باحـذرك يارفـيـقـي مـنـهـم تــحـــــــــــذير
والمصلحي ذي قصف بالمصلحه عمره === يعجب على صـــاحـبـه لا اجـره تـأجــــــير
وان مالقي مـصلـحه فـحتـار في امره === بـايـرجـمـك فـي دقـيـقــه لا سـفال البــــير
ماعد بيحسب حساب العيش والعشره === المصـلـحه راس مـاله والوفاء تكفــــــــير
مـثله طـعـن صـاحـبه بالذل في ظـهـره === ونكر المعرفه بالمصلحه تنكــــــــــــــــير
لانـه يـبــيع الشـرف واـلعـز والـغـيـــره=== للمصلحه مامعه من بعدها تغيـــــــــــير
وعــاد به ناس يتكبر على غــــــــــيره ===لقدمعه قرش صغر صاحبه تصغـــــــــير
ويـعـجـبـه يـنــتـبـه للـشـكـل والـصـوره === بيحسب ان الزلط للكبر والـتـطـــــــــــوير
مش داري المـال لـصاحب الطمع دحره === بـايـدحـره كـل صـاحـب دايـمـآ تدحــير
من يـحـسـب الـعـز بالـزنـه وباالـغـتــره === غلطان ليس الرجل من ظاهرك تظهــــير
ولا تـقـيـس الـوفـاء بالـمال والـفـشـره === ليس الرجاله زلط يا صاحب التقصــــــير
قـال الـمـثل لا غـضـب ربـي عــى الذره === يعملها اجناح تمشي في الهواء وتطـــير
والـجيـد ذي لـومـــلك كـره قـفـى كـره === انـه علـى مـبـداه يستـاهـل الـتـقــــــــدير
اومـا يـجــــد قـــرش ولاقـيـمـه الابـره === انه رجل للـوفـــاء بــاكـــبره تــكــبـيـــر
تلقاه وقت الــحـظـاء والـسـلـم والـبوره === سع حــيــد عـالـي وثـابت مـامعه تـــدوير
يـسـتـاهـل الـعـز وانـا ازيـد فـي قـدره === صاحب وفي بالشهامه واسع التصــــــدير
من يحـسـب المال مـكـسب والطمع غره === ماينفعه مال مايثمر معه تثمـــــــــــــــير
الـمال يبقى مع اصـحاب الــطمع جمره === تحرق فؤاده ويجني منها التفســــــــــــير
قد مـات هـايل سعيد انـعم مـع الـحـثره=== والكور والحضرمي والمنتصر والــــــــــزير
كـم اكــتسـب كـل واحـد منـهـم شـهــره=== بالمال والجاه والاستيراد والتصـــــــــــدير
مـاتـو جميعآ ومـكـسـب كـل حـد قـبره=== والحد هو والكفن الربح والتوفـــــــــــــير
مـايـنـفع الـمـال في قـلــه وفـي كـثـره === كلين يعمل حساب النقل والتزفـــــــــــــير
وابو عسر مايجامـل شـخـص في شعره === مايشعر الاء بختم الصدق والتحـــــــــــرير
والـخـتم صـلـو علـى مـن عـزنا ذكــــــره=== صلو على صاحب التحكيم والتبشـــــــــــير
مـحـمـدالـمـصـطـفـى والاأل والاســــــره ===صليت ماكل طاير في الهواء بيطـــــــــــير
كلمات الشاعر جلال ابوعسر الكميم
تحياتي للجمبع اخوكم الـــــقــــردعي

[/size]